مای ساتو: ئێران دەبێت دۆخی ونبووان و کوژراوانی ناڕەزایەتییەکانی دیاریکات

مای ساتو، ڕپۆرتەری تایبەتی ئەنجومەنی مافی مرۆڤی نەتەوە یەکگرتووەکان، داوای لە کۆماری اسلامی ئێران کردووە سەرنوشت و شوێنی ڕاگرتنی ئەو کەسانە ڕابگەیەنێت کە دوای ناڕەزایەتییە سەرتاسەرییەکان دەستبەسەر، ون یان کوژراون.
ئەو وتوویەتی هاوکار لەگەڵ کارشناسانی مافی مرۆڤی نەتەوە یەکگرتووەکان، جیا لەمە داوا لە بەرپرسانی ئێران دەکات کە سەرجەم لەسێدارەدانەکانی پەیوەندیدار بەم ناڕەزایەتییانە ڕابگرن.
لەسەر بنەمای هەندێک ڕاپۆرت لە ئێرانەوە، ژمارەیەک لە بنەماڵەکان وتوویانە کە دوای بەشداریی خۆشەویستەکانیان لە ناڕەزایەتییەکاندا، لە سەرنوشتیان و ئەوەی کە لە ژیاندا مانەوە و زیندانین یان کوژراون، بێئاگەن و نەیانتوانیوە وەڵامێکی یەکلاکەرەوە لەلایەن دەسەڵاتەوە وەربگرن.
هەندێک ڕاپۆرتی پشتڕاستنەکراویش سەبارەت بە لەسێدارەدانی نهێنیی ناڕەزایەتیی دەربڕە دەستبەسەرکراوەکان بڵاو بوونەتەوە.
خانم ساتو وتوویەتی: «جیاوازیی نێوان ئاماری فەرمی و خەمڵاندنەکانی خەڵک، تەنیا ئازاری ئەو بنەماڵانە زۆرتر دەکات کە لە بەدواداچوونی خۆشەویستەکەیاندا نین. لە نەبوونی شەفافیەتدا، گێڕانەوەیەکی وێرانکەر لەگەڵ ڕاپۆرتی پشتڕاستنەکراو سەبارەت بە شوێنەکانی نێشتەجێبوون و لەسێدارەدانی نهێنی دروست دەبێت.»